ოპოზიციაში ისევ არეულობაა - ამჯერად, "ნაციონალური მოძრაობა" "ფედერალისტებს" უპირისპირდება. მეტიც - თინა ბოკუჩავა რვიანის ფორმატში მყოფ პარტიებს მიმართავს და მათი რიგებიდან თამარ ჩერგოლეიშვილის გარიცხავს ითხოვს.
მიზეზი ჩერგოლეიშვილის ფეისბუქ პოსტია, სადაც ფედერალისტების ლიდერი მის მიმართ შეურაცხმყოფელი კომენტარების ავტორებს მათივე "ფეისბუქის" პროფილიდან აღებული ბავშვების ფოტოების გამოყენებით პასუხობს.
ჩერგოლეიშვილი ახლა ბოდიშს იხდის, თუმცა, ბოკუჩავა ამბობს, რომ ეს ყოველგვარ პოლიტიკურ თუ ადამიანურ მორალს სცდება.
"რვიანს ჰქონდა ერთადერთი ამოცანა, რომ ბოიკოტის რეჟიმში ვინც ვიყავით, მათ გაგვეკეთებინა ერთმანეთთან კოორდინაცია. ეს ამოცანა არის შესრულებული. მე ვერ ვიგებ, საიდან უნდა გამაძევონ, ჩემი პარტიიდან? იმიტომ, რომ რვიანი არ ყოფილა არც პლატფორმა და არც არანაირი ფორმალიზებული ერთობა.
თიკა ბოკუჩავას შიგნით პარტიული პრობლემების მოგვარება უნდა, მაშინ როდესაც თავად ნიჩაბზე იდო და გადაგდებას უპირებდნენ და ახლა მიშას ერთგულებას უმტკიცებს იმით, რომ იმ ერთობას ერჩის, სადაც მიშას პიროვნების კულტი არ დგას, ეს მისი პრობლემაა და მხოლოდ თვითდესტრუქციისკენ მიჰყავს ეგ პარტია მოყოლებული 2016 წლიდან. ჩემთვის სრულიად გაუგებარი აურზაურია, ერთადერთი, რაზეც ვწუხვარ, არის ჩემი შეცდომა," - აცხადებს თამარ ჩერგოლეიშვილი.
0
0
