სოციალურ ქსელში ვახტანგ კიკაბიძის ერთ-ერთი ბოლო ვიდეო ვრცელდება, რომელიც კლინიკაშია გადაღებული. მომღერალი ბოლო რამდენიმე კვირა “ნიუ ჰოსპიტალში” მკურნალობდა.

ვიდეოს დიდი გამოხმაურება მოჰყვა.

როგორც ცნობილია, ქართველი კინომსახიობი, საესტრადო მომღერალი, სცენარისტი, კინორეჟისორი, სიმღერების ავტორი ვახტანგ (ბუბა) კიკაბიძე 15 იანვარს, კლინიკა „ნიუ ჰოსპიტალში“, 84 წლის ასაკში გარდაიცვალა.

ვახტანგ (ბუბა) კიკაბიძის სამოქალაქო პანაშვიდები ქაშვეთის ეკლესიაში სამშაბათსა და ოთხშაბათს (17 - 18 იანვარს) გაიმართება. გამოსვენება კი ხუთშაბათს, 19 იანვარს, თბილისის დიდი საკონცერტო დარბაზიდან მოხდება.

ვახტანგ კიკაბიძეს, საკუთარი ანდერძის მიხედვით, ვერის სასაფლაოზე, ოჯახის წევრების გვერდით დაკრძალავენ.