კრემლის განცხადებით, თუ აშშ და მისი მოკავშირეები ეკონომიკური თანამშრომლობის ორგანიზაციიდან - „დიდი ოცეულიდან“ (G20) - რუსეთის გარიცხვას მოახერხებენ, ამ ნაბიჯს რუსეთისთვის მძიმე შედეგი არ მოჰყვება.
„“დიდი ოცეულის“ ფორმატი მნიშვნელოვანია, მაგრამ დღევანდელ ვითარებაში, როდესაც ფორუმში მონაწილეთა უმეტესობა ჩვენთან ეკონომიკურ ომში არიან ჩაბმულნი, ორგანიზაციიდან გარიცხვას რუსეთზე მწვავე ზემოქმედება არ ექნება.
შეერთებულმა შტატებმა განაცხადა, რომ მხარს უჭერს „დიდი ოცეულიდან“ რუსეთის გაძევებას, მაგრამ ვაშინგტონის მცდელობები, სამყაროსგან მოსკოვის იზოლირებასთან დაკავშირებით, ჯერჯერობით მხოლოდ ნაწილობრივ ეფექტურია და საბოლოოდ წარუმატებელი იქნება,“ - განუცხადა ჟურნალისტებს კრემლის სპიკერმა, დიმიტრი პესკოვმა.