„ვაშაძე იქნება პირველი მერცხალი იმ დიად საქმეში, რომელსაც ჰქვია ოპოზიციის ერთ ქვაბში მოხარშვა“, - ასე ეხმიანება პარტია „გირჩის“ ერთ-ერთი ლიდერი იაგო ხვიჩია „ერთიანი ნაციონალური მოძრაობის“ და ვაშაძის გაერთიანებას.

ხვიჩია აცხადებს, რომ  ამ პროცესს გულშემატკივრობს.

„ჩვენ ძალიან ვგულშემატკივრობთ იმას, რომ ბატონ ვაშაძეს თავისი მიზნები წარმატებით გამოუვიდეს და შეერწყას „ნაცებს“. ის იქნება პირველი მერცხალი იმ დიად საქმეში რომელსაც ჰქვია ოპოზიციის ერთ ქვაბში მოხარშვა და  ჩვენი რაღაცნაირად მიზნის აღსრულება, რომელიც არის შემდეგი, რომ სულ სამი პარტია იყოს შემდეგ არჩევნებზე, რომ ყველამ ბარიერი გადალახოს. ქოცები და მათი კოალიცია, ნაცები და მათი კოალიცია და გირჩი“, - აცხადებს იაგო ხვიჩია.