პოლონეთის დედაქალაქ ვარშავაში პოლიციამ 41 წლის ქართველი დააკავა, რომელიც მაღაზიიდან კოსმეტიკას იპარავდა. ამის შესახებ tustolica.pl იუწყება.

41 წლის ქართველი მოკოტოვის რაიონში დააკავეს. ის ცდილობდა კოსმეტიკის მოპარვას, რომლის ფასი დაახლოებით 1000 აშშ დოლარს შეადგენდა. შემოწმების შემდეგ დადგინდა, რომ ის ძებნაში იმყოფებოდა. კაცი საიუველირო მაღაზიებიდან ძვირფასეულობის ქურდობისთვის იძებნებოდა, რომლის საერთო ფასი 10 000 პოლონურ ზლოტის (2500 აშშ დოლარს) შეადგენს.

დაკავებულს 5 წლამდე თავისუფლების აღკვეთა ემუქრება.