პარტია „ქართული ოცნების“ თავმჯდომარის ირაკლი კობახიძის განცხადებით, ევროკავშირის წევრობის კანდიდატის სტატუსთან დაკავშირებით დადებითი გადაწყვეტილების მოლოდინი აქვს.

კობახიძის თქმით, მწიფდება დადებითი გადაწყვეტილება და იმედი აქვს, ეს პროცესი სათანადოდ იქნება ბოლომდე მიყვანილი.

„ჩვენ ყოველთვის ვამბობდით ხოლმე, რომ 50/50-ზე იყო შანსები, თუმცა დღეს ვითარება არის რადიკალურად შეცვლილი. თანდათანობით მწიფდება დადებითი გადაწყვეტილება ჩვენი ქვეყნის სასარგებლოდ. ჩვენ დიდი იმედი გვაქვს, რომ ეს პროცესი სათანადოდ იქნება ბოლომდე მიყვანილი. პრაქტიკულად, უკვე მწიფდება  გადაწყვეტილება კანდიდატის სტატუსის მიღებასთან დაკავშირებით“, – აღნიშნა ირაკლი კობახიძემ.