ქართველმა ძიუდოისტმა ვაჟა მარგველაშვილმა თელ-ავივში გამართულ დიდი სლემის ტურნირზე საქართველოს ნაკრებს პირველი ოქროს მედალი მოუტანა.

66 კგ-მდე წონით კატეგორიაში ქართველმა ძიუდოისტმა ფინალში აზერბაიჯანელი მეტოქე ორგან საფაროვი დაამარცხა.

30 წლის ქართველი სპორტსმენი არის 2020 წლის ტოკიოს ოლიმპიური თამაშების ვერცხლის მედალოსანი, ევროპის სამგზის ჩემპიონი, მსოფლიოსა და ევროპის ჩემპიონატების მედალოსანი.

ბრინჯაოს მედალი ლაშა ნადირაძემ (-66 კგ) მოიპოვა, რომელმაც დამატებით დროში ტურნირის მასპინძელი ფლიკენი დაამარცხა.

წარუმატებლად გამოვიდა მესამე ქართველი, ლუხუმ ჩხვიმიანი, რომელიც მერვედფინალში ავსტრალიელ ჯოშუა კაცთან დამარცხდა და ტურნირს გამოეთიშა.

წელს ძიუდოს დიდი სლემი გაიმართება თელ-ავივში 16-დან 18 თებერვლამდე.