ხორვატიის დედაქალაქ ზაგრებში მიდინარე ევროპის ჩემპიონატზე ძიუდოში ვაჟა მარგველაშვილმა (-66კგ) პირველი გამარჯვება მოიპოვა. ქართველმა ავსტრიელი აუერი ვაზარით დაამარცხა და მეოთხედფინალში გავიდა.

ტურნირზე წარმატებულად დაიწყო გამოსვლა ეთერ ლიპარტელიანმაც (57კგ). მან 1/16 ფინალში იტალიელ კაპანის დამატებით დროში ვაზარით სძლია. მეოთხედფინალში გასასვლელად ლიპარტელიანი ფრანგ მოკდარს დაუპირისპირდება.

კონტინენტის პირველობაზე დღეს გამომსვლელი მესამე ძიუდოისტი ნინო გულბანი პირველივე ეტაპზე დამარცხდა და შეჯიბრებას დაემშვიდობა.

ევროპის ჩემპიონატის ოთხივე დღის ფინალური ბლოკის პირდაპირ ტელერეპორტაჟებს საქართველოს პირველი არხი 19:00 საათიდან შემოგთავაზებთ. ზაგრებში ინდივიდუალური ასპარეზობები 25-27 აპრილს გაიმართება, გუნდური ტურნირი კი 28 აპრილს ჩატარდება.