USAID-ის თანამშრომლები სააგენტოს სათაო ოფისს ტოვებენ. "როიტერის" ინფორმაციით, მათ საკუთარი ნივთების შესაგროვებლად მხოლოდ 15 წუთი მისცეს.

ეს არის შედეგი დონალდ ტრამპის გადაწყვეტილებისა, რომლის მიხედვითაც თეთრი სახლი წყვეტს სააგენტოს კონტრაქტების 90 პროცენტზე მეტის დახმარებას.

გავრცელებულ კადრებში ჩანს, როგორ გამოაქვთ თანამშრომლებს მუყაოს ყუთებით პირადი ნივთები და როგორ აცილებენ მათ აპლოდისმენტებით.

შეგახსენებთ, დონალდ ტრამპმა მის მრჩეველს ილონ მასკს დაავალა USAID-ის დემონტაჟი, როგორც ფედერალური მთავრობის შემცირების უპრეცედენტო ნაბიჯის ნაწილი იმის გამო, რომ თავიდან აერიდებინათ ამერიკელი გადასახადების გადამხდელთა თანხების უსარგებლო ხარჯვა და სახსრების ბოროტად გამოყენება.