ხორვატიის პრეზიდენტის ზორან მილანოვიჩის განცხადებით, ევროკომისიის პრეზიდენტი ურსულა ფონ დერ ლაიენი და ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში კაია კალასი ხორვატიის სახელით ვერ ისაუბრებენ.
,,ისინი მაღალ თანამდებობებს იკავებენ, თუმცა მხოლოდ ოფიციალური პირები არიან. ეროვნული უსაფრთხოება ნებისმიერი ქვეყნის ყველაზე ინტიმური სივრცეა. ჯერ უნდა შევთანხმდეთ და შემდეგ მოქმედება გავაგრძელოთ. გუშინდლამდე შეერთებული შტატები ჩვენი მფარველი იყო, რამე შეიცვალა? ევროპაში ყველაზე ხმაურიან და ისტერიულ პიროვნებებზე ფოკუსირება საჭირო არ არის. ჩვენ უნდა ვიყოთ სოლიდარულები და ლოიალურები, თუმცა არ ვართ ვალდებულნი ვიმუშაოთ სხვის ზურგსუკან და ხელის ავტომატურად აწევაც რაიმე იდეაზე, რომელსაც ევროკავშირი შემოგვთავაზებს, გამორიცხულია", - განაცხადა ზორან მილანოვიჩმა.
უკრაინის უსაფრთხოების გარანტიებზე საუბრისას პრეზიდენტმა აღნიშნა, რომ ორი წლის წინ არაერთხელ განაცხადა, რომ ეს არის მოსკოვსა და ვაშინგტონს შორის კონფლიქტი უკრაინის ხარჯზე და საბოლოოდ მას რუსეთი და ამერიკა მოაგვარებენ.
„ვწუხვარ, მაგრამ მართალი ვიყავი. მოსკოვი წყვეტს, თუ ვის ექნება უკრაინაში შესვლის უფლება და რა ტიპის იარაღის გაგზავნა შეიძლება იქ“, - თქვა მილანოვიჩმა.
0
0
