როგორც კულებამ აღნიშნა, ნებისმიერ ომს ორი დასასრული აქვს. პირველი ეს არის ერთ-ერთი მხარის უპირობო ტოტალური დამარცხება, რაც რუსეთს სურს კიევთან მიმართებით. მეორე კი არის ორმხრივად მისაღები გადაწყვეტილებების ძიება და შეთანხმება.
„უკრაინის და არა რუსეთის თვალსაზრისით, ნათლად და ფხიზლად უნდა გვესმოდეს, რომ ან ბოლომდე უნდა მივუდგეთ ომს, რის შედეგადაც ჩვენ უპირობოდ უნდა დავამარცხოთ რუსეთი, ან უნდა არსებობდეს შეთანხმება, რომელიც ხელსაყრელი იქნება უკრაინისთვის. ვფიქრობ, რომ მეორე ვარიანტი რეალურია“, - განაცხადა კულებამ.
უკრაინის საგარეო საქმეთა მინისტრის თქმით, უკრაინული დიპლომატია მუშაობს იმისთვის, რომ ეს გარიგება მაქსიმალურად მომგებიანი იყოს კიევისთვის.
მანამდე კულებამ განაცხადა, რომ უკრაინის პრეზიდენტი ვოლოდიმირ ზელენსკი მზად არის პუტინს „დღესაც“ შეხვდეს, „მისი პოზიცია ნათელია, ის ყველა საკითხზე არის ჩამოყალიბებული“.
0
0
