ბუდაპეშტში, იუსტიციის სამინისტროსთან ათასობით მოსამართლის და სასამართლოს თანამშრომლის აქცია გაიმართა, რომლებიც სასამართლო სისტემის დამოუკიდებლობას ითხოვენ.

ამის შესახებ „როიტერი“ წერს.

აქციის მონაწილეები სასამართლოს დამოუკიდებლობას, მოსამართლეების სიტყვის გამოხატვის თავისუფლებასა და უკეთეს ანაზღაურებას ითხოვდნენ.

უნგრეთის პრემიერ-მინისტრის ოფისის ხელმძღვანელმა, გერგელი გულიასმა განაცხადა, რომ კონსტიტუცია უზრუნველყოფს უნგრეთის სასამართლო სისტემის დამოუკიდებლობას.

მისივე თქმით, 2027 წლისთვის მოსამართლეთა საშუალო ხელფასი, თითქმის 2.3 მილიონ ფორინტს (5,974 დოლარს) მიაღწევს, რაც ბოლო ორი წლის განმავლობაში 50%-იან ზრდას ნიშნავს, ხოლო სასამართლოს თანამშრომელთა ხელფასები 80-დან 100%-მდე გაიზრდება.