უნგრეთის სასამართლომ, პრემიერ-მინისტრ ვიქტორ ორბანის მკვლელობის დაგეგმვაში ბრალდებული 44 წლის მამაკაცის დაკავების ბრძანება გასცა.
გამომძიებლების თქმით, 44 წლის ეჭვმიტანილმა სოციალურ მედიაში ორი ვიდეო გამოაქვეყნა, სადაც ორბანის და სხვების მოკვლით იმუქრებოდა.
ამ პოსტების შემდეგ, გამოძიების ეროვნულმა ბიურომ მის სახლში ჩხრეკა ჩაატარა, სადაც მათ ამოიღეს ის, რასაც ოფიციალურმა პირებმა „ადამიანის სიცოცხლის მოსპობის უნარის მქონე საგანი“ უწოდეს.
მამაკაცი დააკავეს „მკვლელობის მომზადების ეჭვის“ საფუძველზე, რაც ერთიდან ხუთ წლამდე თავისუფლების აღკვეთას ითვალისწინებს.
„დანაშაულის ხასიათის, გამოძიების ინტერესებისა და ეჭვმიტანილის პირადი გარემოებების გათვალისწინებით, მთავარმა პროკურატურამ მამაკაცის დაკავების შუამდგომლობა შეიტანა“, - ნათქვამია გენერალური პროკურატურის განცხადებაში.
რაიონული მოსამართლე დაეთანხმა პროკურატურის მოთხოვნას, განმეორებითი მუქარის ან ძალადობის რისკის გათვალისწინებით, და ეჭვმიტანილისთვის პატიმრობის მინიმუმ ერთი თვით გაგრძელების ბრძანება გასცა.
უნგრეთის კონფიდენციალურობის წესების შესაბამისად, ეჭვმიტანილის ვინაობა არ გახმაურებულა.
0
0
