უნგრეთი ვეტოს დაადებს ევროკავშირის ნებისმიერ სანქციებს რუსეთის წინააღმდეგ. ამის შესახებ პრემიერ-მინისტრმა ვიქტორ ორბანმა განაცხადა.

უკრაინამ მოუწოდა ევროკავშირს, სანქციების მეათე პაკეტში შეიტანოს რუსული სახელმწიფო ბირთვული ენერგეტიკული კომპანია Rosatom.

ორბანმა პარასკევს გაიმეორა, რომ ბირთვულ ენერგიაზე სანქციებს „აშკარად ვეტო უნდა დაედოს“.

„ჩვენ არ დავუშვებთ ბირთვული ენერგიის სანქციებში ჩართვის გეგმის განხორციელებას. ეს გამორიცხულია", - განაცხადა უნგრეთის პრემიერმა.

როგორც ცნობილია, უნგრეთი Rosatom-თან ერთად აგრძელებს „პაკშის“ ატომური ელექტროსადგურის ახალი ენერგობლოკების მშენებლობას.