უნგრეთის საგარეო საქმეთა მინისტრი პიტერ სიიარტო აცხადებს, რომ აშშ-უნგრეთის ურთიერთობებში „ოქროს ხანა“ დადგა.

როგორც სიიარტო სოციალურ ქსელში წერს, 7 ნოემბერს ვაშინგტონში უნგრეთის პრემიერ-მინისტრის, ვიქტორ ორბანისა და აშშ-ის პრეზიდენტის, დონალდ ტრამპის შეხვედრა გაიმართება.

„უნგრეთ-ამერიკის ურთიერთობებში ოქროს ხანა დადგა! პარასკევს დონალდ ტრამპი და ვიქტორ ორბანი ვაშინგტონში შეხვდებიან. დღის წესრიგშია: მშვიდობა უკრაინაში და ეკონომიკური და ენერგეტიკული თანამშრომლობის მნიშვნელოვანი პაკეტი“, – წერს სიიარტო.