უმაგრესი ამბავია საქართველოსთვისაც! მიდი ხვიჩა არ გაჩერდე - ამის შესახებ ოპოზიციონერი დეპუტატი, ალეკო ელისაშვილი სოციალურ ქსელში წერს.

„ხვიჩა იტალიის ჩემპიონატის წლის საუკეთესო ფეხბურთელად დაასახელეს! ფენომენალური სეზონი ჰქონდაო ასე შეაფასეს. უმაგრესი ამბავია მისთვისაც და საქართველოსთვისაც! მიდი ხვიჩა არ გაჩერდე“- წერს ელისაშვილი.

ქართველი ფეხბურთელი ხვიჩა კვარაცხელია სერია A-ს საუკეთესო მოთამაშეა, – ინფორმაცია იტალიის ჩემპიონატის ოფიციალურმა გვერდმა გაავრცელა.

ქართველი მოთამაშე ლიგის ოფიციალურმა გვერდმა არც ერთ სხვა ნომინაციაში არ წარადგინა, რაც მინიშნება იყო, რომ „ნაპოლის“ ქართველ თავდამსხმელს სეზონის საუკეთესო მოთამაშედ აღიარებდნენ.

აღსანიშნავია, რომ კვარაცხელიას დღეს დიეგო მარადონას სპეციალური ჯილდოც გადაეცა.