უკრაინულმა ჯარებმა ზაპოროჟიეს მიმართულებით დანაღმული ველების დაძლევის მცდელობისას დაკარგეს უფრო მეტი ადამიანი და სამხედრო ტექნიკა, ვიდრე თავდაპირველად მოსალოდნელი იყო, - ამის შესახებ ჟურნალი Forbes იუწყება.

„უკრაინის დამარცხება მალაია ტოკმაჩკას მახლობლად უფრო კატასტროფული აღმოჩნდა, ვიდრე გვეგონა. აღმოჩნდა, რომ უკრაინელებმა სულ მცირე 25 სამხედრო მანქანა დაკარგეს, მათ შორის: 17 M-2, 4 Leopard 2A6-ის ტიპის ტანკი, 3 Leopard 2R და 1 Wisent-ი“, - აღნიშნულია ჟურნალის ინფორმაციაში.

Forbes-მა აღნიშნა, რომ თავდაპირველად, გარე დამკვირვებლებისთვის, დანაკარგები უფრო მცირე ჩანდა, მაგრამ ანალიტიკოსებმა ორი კვირა გაატარეს დრონის კადრებისა და მიწიდან გამოსახულებების შესწავლაში და დაკარგული აღჭურვილობის სია მუდმივად განახლდა.