აშშ-ის პრეზიდენტის სპეციალურმა წარმომადგენელმა სტივ ვიტკოფმა განაცხადა, რომ უკრაინაში კონფლიქტის მოგვარების პროგრესს შეიძლება ჰქონდეს უფრო ფართო საერთაშორისო გავლენა, რაც პოტენციურად იმოქმედებს გლობალურ სტაბილურობასა და თანამშრომლობაზე.

„ვფიქრობ, ჩვენ შეიძლება რაღაც გლობალურ ზღვარზე ვიყოთ, რაც ძალიან მნიშვნელოვანი იქნება მსოფლიოსთვის“, - თქვა ვიტკოფმა Fox News-თან ინტერვიუში.

მისი თქმით, უკრაინის სამშვიდობო შეთანხმების ჩარჩო სცილდება ე.წ. ხუთ [ანექსირებულ] ტერიტორიას, და ასევე მოიცავს უფრო ფართო სტრატეგიულ საკითხებს, როგორიცაა უსაფრთხოების გარანტიები და ნატოში უკრაინის გაწევრიანების გეგმებზე უარის თქმა.