კრემლის სპიკერმა, დიმიტრი პესკოვმა უკრაინის მხარეს მებრძოლი უცხოელი ჯარისკაცების შესახებ დასმულ კითხვაზე პასუხის გაცემისას განაცხადა, რომ ეს გარემოება რუს სამხედროებს დისკომფორტს არ უქმნის. 

მისივე თქმით, უკრაინის მხარეს უცხოელი მებრძოლების ყოფნა ე.წ. სპეცოპერაციის მიმდინარეობას არ შეცვლის. 

„უკრაინის შეიარაღებული ძალების რიგებში უცხოელი დაქირავებული ჯარისკაცების ყოფნა არ შეცვლის რუსული სპეცოპერაციის მიმდინარეობას. ერთადერთი, რაც ამ გარემოებას შეუძლია არის ის, რომ მან ბრძოლა შესაძლოა, გაახანგრძლივოს და უკრაინელ ხალხს მეტი ტანჯვა მოუტანოს.

ის, რომ ჩვენი სამხედროები წინა ფრონტზე ისმენენ უცხო სიტყვებს, რომ იქ არიან უცხოელი დაქირავებულები, არ არის საიდუმლო, ეს არ არის ბოლო დღეების მოვლენა, ეს დიდი ხანია ხდება“, - განაცხადა პესკოვმა.