30/06/2023
11:35
მსოფლიო
უკრაინაში მოქმედი სახალხო დეპუტატი დააკავეს. უკრაინის უსაფრთხოების სამსახურის განცხადებით, დაკავებული 50 ათასი დოლარის სანაცვლოდ უცხოელს ექსტრადიციისგან თავის დაღწევას ჰპირდებოდა. როგორც გამოცემა „უკრაინსკაია პრავდა“ წერს, საუბარია პარტია „ევროსოლიდარობის“ წევრ სერგეი ალექსეევზე.
უკრაინის უსაფრთხოების სამსახურის განცხადებით, 50 ათასი დოლარის სანაცვლოდ დეპუტატი ერთ-ერთი ევროპული ქვეყნის მოქალაქეს ექსტადირების აცილებაში ხელშეწყობას ჰპირდებოდა. ის უცხოელს სასამართლოში თავის კავშირების გამოყენებას ჰპირდებოდა.
გამოძიების მტკიცებით, დაფიქსირდა დეპუტატის მიერ 30 ათასი დოლარის მიღება, მანამდე მან კიდევ 20 ათასი დოლარი მიიღო.
რადას წევრს ბრალი წაუყენეს თაღლითობაში. აღნიშნული მუხლი 12 წლამდე თავისუფლების აღკვეთას და ქონების ჩამორთმევას ითვალისწინებს.
0
0