უკრაინის შეიარაღებული ძალების გენერალურმა შტაბმა უარყო მის მიერ გავრცელებული განცხადება, რომ რუსმა ოკუპანტებმა ხერსონის ოლქის ქალაქი ნოვა-კახოვკა დატოვეს.

დღეს, ადგილობრივი დროით დაახლოებით 18:00 საათზე, გენერალურმა შტაბმა გაავრცელა ინფორმაცია, რომ „22 მარტის მდგომარეობით, საოკუპაციო არმიის ყველა ქვედანაყოფმა, რომელიც ხერსონის ოლქის ნოვა-კახოვკაში იყო განლაგებული, ქალაქი დატოვა“.

თუმცა, საათნახევრის შემდეგ უკრაინის შეიარაღებული ძალების გენერალურმა შტაბმა უარყო ეს განცხადება.

„ოკუპანტები დროებით კვლავ ნოვა-კახოვკაში იმყოფებიან. ინფორმაცია მტრის სავარაუდო გასვლის შესახებ ამ დასახლებული პუნქტიდან არსებული მონაცემების არასწორი გამოყენების შედეგად გამოქვეყნდა“, - აღნიშნულია ახალ განცხადებაში.