უკრაინის გადარჩენის საკითხი საფრთხეშია, - ამის შესახებ აშშ-ის თავდაცვის მდივანმა ლოიდ ოსტინმა „რამშტაინის“ ფორმატში გამართულ შეხვედრაზე განაცხადა.

„დღეს უკრაინის გადარჩენის საკითხი საფრთხეშია და აშშ-ის უსაფრთხოება საფრთხეშია. არ გვაქვს არცერთი დასაკარგი დღე. აიღეთ ახალი ძირითადი ვალდებულებები, რათა უკრაინას მივაწოდოთ სასწრაფოდ საჭირო შესაძლებლობები, განსაკუთრებით საჰაერო თავდაცვა, ჯავშანტექნიკა და საარტილერიო საბრძოლო მასალა. ჩვენ ვამაყობთ, რომ მათ გვერდით ვდგავართ“, - აღნიშნა ოსტინმა.

ოფიციალური პირები, ასევე, აცხადებენ, რომ დაფინანსების ნაკლებობა უკვე მოქმედებს უკრაინის ბრძოლის ველზე, სადაც რუსული ჯარები წინ მიიწევენ და უკრაინულ ძალებს მწირი რესურსების მართვა უწევთ.