„ეს არის დებატები, რომელიც ნებისმიერ შემთხვევაში გაიმართება“, - განაცხადა შარლ მიშელმა და დასძინა, რომ ევროკავშირს უკვე აქვს ძალიან ძლიერი ასოცირების შეთანხმება უკრაინასთან, რომელიც შეიძლება გაძლიერდეს.

27 თებერვალს, ევროკომისიის პრეზიდენტმა, ურსულა ფონ დერ ლაიენმა განაცხადა, რომ უკრაინის ევროკავშირში ნახვა სურს.

„ჩვენ უკრაინასთან პროცესი გვაქვს, მაგალითად, უკრაინის ბაზრის ერთიან ბაზარში ინტეგრაცია. ძალიან მჭიდრო თანამშრომლობა გვაქვს, მაგალითად, ენერგეტიკის სფეროში. ძალიან ბევრი თემაა, რომელზეც ერთად მჭიდროდ შეგვიძლია მუშაობა და მართლად, დროთა განმავლობაში, მათი ადგილი ჩვენთანაა. უკრაინა ერთ-ერთი ჩვენგანია და მათი გაწევრიანება გვსურს“, - განაცხადა ფონ დერ ლაიენმა.