ნიჟნი ნოვგოროდის ოლქის ქალაქ ზავოლჟიეში, უკრაინიდან დაბრუნებულმა მებრძოლმა ცოლი საკუთარი მცირეწლოვანი შვილების თვალწინ მოკლა - იუწყება რუსული მედია.

მათივე ცნობით, 44 წლის ალექსანდრე მამაევი, რომელიც ოცეულის მეთაურის მოადგილედ მუშაობდა, ერთი კვირის წინ ჩამოვიდა უკრაინიდან და გადაწყვიტა, რომ დაბრუნება ოჯახთან ერთად აღენიშნა. ალკოჰოლის დალევის შემდეგ სამხედროს მოეჩვენა, რომ ცოლი მისი ფულის დაუფლებას ცდილობდა. შედეგად მამაევმა ცოლი დაჭრა, ის სისხლისგან დაიცალა.

წყვილის ახლობლებმა 6 და 7 წლის ბიჭების თავისთან წაყვანაზე უარი განაცხადეს. დიდი ალბათობით, მათ ბავშვთა სახლში გადაიყვანენ.