დღეს დილით, საჰაერო თავდასხმის განგაშის დროს, კიევის მეტროსადგურში უკრაინელების მიერ შესრულებული საშობაო ჰიმნების კადრები გავრცელდა. 

უკრაინის მთელ ტერიტორიაზე დღეს განგაშის ხმა ორჯერ გაისმა, თუმცა კიევში ამ დრომდე რუსეთის არმიის დაბომბვის შედეგად მიყენებული ზარალის ფაქტი არ დაფიქსირებულა.

ზოგიერთი უკრაინელი შობას ზეიმობს, მიუხედავად იმისა, რომ უკრაინაში დღესასწაული, ჩვეულებრივ, 7 იანვარს აღინიშნება. მიზეზი ისაა, რომ რუსები ტრადიციულად შობას იანვრის დასაწყისში აღნიშნავენ, ამიტომ ზოგიერთ უკრაინელს ამ წესის დარღვევა სურს.