„უკრაინის შეიარაღებულმა ძალებმა, ჯარმა, ეროვნულმა გვარდიამ, პოლიციამ, უკრაინის უშიშროების სამსახურმა, დაზვერვამ, მესაზღვრეებმა, სახელმწიფო სასწრაფო სამსახურმა, ჩვენმა გმირმა ექიმებმა, მოხალისეებმა და ათიათასობით სხვამ, რომლებიც წინააღმდეგობის გაწევის ორგანიზატორები გახლავთ, გავაკეთეთ და ყველაფერს ვაკეთებთ, რომ დილით მივესალმოთ ხალხს და გავაგრძელოთ ჩვენი სამართლიანი ბრძოლა“, - განაცხადა დანილოვმა.

დანილოვის თქმით, დღეს დილით დადასტურდა ის, რაც უკრაინელებს ესმოდათ ომის პირველივე დღეებიდან - რუსეთის ხელმძღვანელობამ წინასწარ და შეგნებულად დაგეგმა "დამწვარი მიწის" ტაქტიკა, რაც საერთაშორისო სამართლის სრული უგულებელყოფაა და გეზი ომის დანაშაულებისა და ჩადენის გზისკენ აიღო. 

„დილის ხუთ საათზე რუსეთის საოკუპაციო ჯარებმა გამოიყენეს „სმერჩი“ ქალაქ ნიკოლაევში მშვიდობიანი მოსახლეობის წინააღმდეგ. დაბომბვის შედეგად გაჩნდა ხანძარი და ნგრევა. მათ დაბომბეს ქალაქები მალინი, ოვრუჩი, კოროსტენი", - განაცხადა უკრაინის ეროვნული უსაფრთხოებისა და თავდაცვის საბჭოს მდივანმა.

მისი თქმით, მომავალი ტრიბუნალი რუსი კრიმინალების მიმართ, როგორც მთელი მსოფლიოსთვის, ასევე თავად რუსეთისთვის, სამაგალითო იქნება, რადგან უკრაინასთან ომმა, სხვა საკითხებთან ერთად, დაიწყო თავად პუტინის რეჟიმის ლიკვიდაციის პროცესი.

„არასოდეს აწარმოოთ ომი უკრაინასთან, ჩვენმა ხალხმა გაიარა არაადამიანური განსაცდელი ათასობით წლის განმავლობაში, მათ გაანადგურეს ერთზე მეტი იმპერია და ამ ყველაფრით, ისინი მხოლოდ გაძლიერდნენ და უფრო გამძლენი გახდნენ, ასე იქნება ახლაც! თქვენ კლავთ ჩვენს შვილებს, ქალებსა და მოხუცებს! ჩვენ გვახსოვს ყველა და ყველაფერი, ჩვენ არასოდეს დავივიწყებთ ამ ყველაფერს“, - განაცხადა დანილოვმა.