მდინარე დნეპრის ნაპირზე მდებარე ზოოპარკმა განაცხადა, რომ კაშხლის აფეთქებისგან გამოწვეული დატბორვის შემდეგ მისი 300 ცხოველი დაიღუპა.

ზოოპარკის წარმომადგენლების თქმით, მიმდებარე ტერიტორია დანაღმული იყო და ცხოველების ევაკუაცია შეუძლებელი იყო.

„ჩვენ ვცდილობდით მათ გადარჩენას. ყოველ დღე ცეცხლის ქვეშ ზოოპარკის ორი თანამშრომელი სიცოცხლეს საფრთხის ქვეშ იგდებდა და ცხოველების გამოსაკვებად მიდიოდა. ახლა რუსეთმა ყველაფერი გაანადგურა“, - აცხადებენ ზოოპარკის წარმომადგენლები.