ბრიუსელში, ევროკავშირის ლიდერების სამიტზე სიტყვით გამოსვლისას, უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინაში მშვიდობის დასამყარებლად აუცილებელია ევროკავშირსა და შეერთებულ შტატებს შორის ერთიანობა.

„ჩვენთვის ეს ძალიან მნიშვნელოვანია, განსაკუთრებით მომავალი წლის დასაწყისიდან. მშვიდობის დასამყარებლად გვჭირდება ურყევი ერთიანობა შეერთებულ შტატებსა და ევროკავშირს, ასევე ევროპის ქვეყნებს შორის. ვფიქრობ, შეერთებულ შტატებსა და ევროპას მხოლოდ ერთად შეუძლიათ პუტინის შეჩერება და უკრაინის გადარჩენა.

ვიზიტის ფარგლებში, დღის წესრიგში იქნება უკრაინის ენერგეტიკული სექტორის დაცვის, უკრაინული იარაღის წარმოების ზრდისა და განათლების სისტემის სასწრაფო დახმარების საკითხები“, - განაცხადა ზელენსკიმ.