„უკრაინაში Leopard-ის ტიპის ტანკების პირველი პარტია გაიგზავნა,“ - განაცხადა პოლონეთის თავდაცვის მინისტრმა მარიუშ ბლაშჩაკმა ეროვნული უსაფრთხოების საბჭოს სხდომაზე.

Bloomberg News-ის ინფორმაციით, პოლონეთის პრემიერ-მინისტრი Leopard-ის ტიპის ტანკების გაგზავნის შესახებ განცხადების გაკეთებას კიევში ვიზიტის დროს აპირებდა.

„მატეუშ მორავეცკი უკრაინის დედაქალაქში დღეს ადრე ჩავიდა ქვეყნისადმი მხარდაჭერის გამოსახატავად,“ - წერს პოლონეთის მთავრობის პრესსპიკერი პიოტრ მიულერი Twitter-ზე.

გერმანული წარმოების თანამედროვე საბრძოლო ტანკები „ომში თამაშის წესების შემცვლელ იარაღად“ ითვლება უკრაინისთვის, რომელიც უახლოეს კვირებში სავარაუდო კონტრშეტევისთვის ემზადება.