უკრაინაში ოსი სამხედროებისთვის გასაგზავნად ოკუპირებულ სამხრეთ ოსეთში მინის ქილებით კომპოტებსა და მარინადებს  აგროვებენ. ინფორმაციას ცხინვალური მედია ავრცელებს და მინის ქილებში შენახული ხილისა და ბოსტენულის ფოტოს აქვეყნებს.

კერძოდ, ჰუმანიტარული დახმარების შეგროვება ამჟამად ზნაურის რაიონში მიმდინარეობს. რაიონის დე ფაქტო ადმინისტრაციის წარმომადგენლის მიხეილ გაგლოევის თქმით, მებრძოლებისთვის ადგილობრივებს აქტიურად მიაქვთ თბილი ტანსაცმელი, სახლში მომზადებული სურსათი, ასევე ფული. 

რაიონში ამგვარი აქცია უკვე მესამედ მიმდინარეობს.

ოკუპირებული სამხრეთ ოსეთიდან ჯარისკაცები უკრაინაში რუსეთის შეიარაღებული ძალების შემადგენლობაში იბრძვიან.