უკრაინაში დაღუპული ქართველი მებრძოლი, 23 წლის გიორგი ნარმანია აფხაზეთიდან დევნილია და ოჯახით უკრაინაში ცხოვრობდა.

როგორც ცნობილია, დღეს სამწუხარო ინფორმაცია გავრცელდა უკრაინიდან, კიდევ ერთი ქართველი მებრძოლის დაღუპვის შესახებ.

როგორც ქართველი მებრძოლები აცხადებენ, "უკრაინული ბატალიონის მებრძოლები ჩასაფრებაში მოყვნენ".

მათივე ინფორმაციით, დო­ნეც­კის ოლ­ქის ქა­ლაქ ვუ­ჰლე­და­რის მი­მარ­თუ­ლე­ბა­ზე (ბახ­მუტ­თან) უკ­რა­ი­ნე­ლებ­მა რუ­სულ შე­ი­ა­რა­ღე­ბულ ძა­ლებ­ზე შტურ­მი გა­ნა­ხორ­ცი­ე­ლეს, რა დრო­საც უკ­რა­ი­ნუ­ლი ბა­ტა­ლი­ო­ნის მებ­რძო­ლე­ბი ჩა­საფ­რე­ბა­ში მოჰ­ყვნენ. უკ­რა­ი­ნუ­ლი მხა­რი­დან და­ი­ღუ­პა 43 მებ­რძო­ლი, რო­მელ­თა შო­რის იყო ქარ­თვე­ლი გი­ორ­გი ნარ­მა­ნია. 

გარ­დაც­ვლი­ლე­ბის ცხედ­რე­ბი ფრონ­ტის ხა­ზი­დან ჯერ არ გა­მო­უყ­ვა­ნი­ათ.

უკრაინაში რუსეთის სრულმასშტაბიანი შეჭრიდან, 2022 წლის 24 თებერვლიდან დღემდე 39 ქართველი მებრძოლია დაღუპული.

ბოლო რამდენიმე კვირაა, ერთ-ერთი ყველაზე მძიმე საბრძოლო მოქმედებები ბახმუტთან მიმდინარეობს, რასაც უკრაინული ოფიციალური პირებიც ადასტურებენ.