გაეროს ადამიანის უფლებათა უმაღლესი კომისრის ოფისმა რუსეთის მიერ დაწყებული სრულმასშტაბიანი ომის გამო დაღუპული მშვიდობიანი მოქალაქეების რაოდენობა დაასახელა. 

გაეროს მონაცემებით ომს 6 702 მშვიდობიანი მოქალაქე ემსხვერპლა, 10 479 კი დაიჭრა.

გარდაცვალებისა და დაშავების მიზეზი ძირითადად იყო ასაფეთქებელი იარაღის გამოყენება, მათ შორის მძიმე არტილერიით დაბომბვა, სარაკეტო თავდასხმა და საჰაერო დარტყმები.

გაეროს ცნობით, რეალური მაჩვენებლები გაცილებით მაღალია, რადგან შეფერხებულია ინფორმაციის მოპოვება ზოგიერთი ადგილიდან, სადაც ინტენსიური ბრძოლები გრძელდება.