უკრაინას აქვს ლეგიტიმური უფლება, დაიცვას საკუთარი თავი და გამოიყენოს ძალა საზღვრებს მიღმაც - ასე უპასუხა მოსკოვში დრონებით თავდასხმის შესახებ დასმულ შეკითხვას ბრიტანეთის საგარეო უწყების ხელმძღვანელმა. ჯეიმს კლევერლის თქმით, "ლეგიტიმური სამხედრო სამიზნეები" უკრაინის საზღვრებს მიღმა უკრაინის თავდაცვის ნაწილია, რათა რუსეთის უნარს, გამოიყენოს ძალები უკრაინაში, ძირი გამოუთხაროს.

"უკრაინას აქვს ლეგიტიმური უფლება საკუთარ საზღვრებში თავის დაცვის, მაგრამ მას ასევე აქვს უფლება, გამოიყენოს ძალა თავისი საზღვრების მიღმა, რათა ძირი გამოუთხაროს რუსეთის უნარს, გამოიყენოს ძალები უკრაინაში. ლეგიტიმური სამხედრო სამიზნეები უკრაინის საზღვრის მიღმა უკრაინის თავდაცვის ნაწილია." - ამბობს ჯეიმს კლევერლი.