ხერსონის ოლქის სამხედრო ადმინისტრაციის ხელმძღვანელის მოვალეობის შემსრულებლის, დიმიტრი ბუტრიის განცხადებით, უკრაინის შეიარაღებულმა ძალებმა დამპყრობლებისგან უკვე 53 დასახლება გაათავისუფლეს.

„დღეს უკვე ოფიციალურად დადასტურდა ინფორმაცია იმ 53 დასახლებული პუნქტის შესახებ, რომლებიც გათავისუფლებულია. ჩვენ ამ ინფორმაციას ვავრცელებთ მხოლოდ მაშინ, როცა ეს ყველაფერი გენერალურ შტაბთან შეთანხმებული იქნება, რადგან სამხედროები სრულ გათავისუფლებამდე განაღმვის გარკვეულ სამუშაოებს კვლავ ასრულებენ“, - განაცხადა ბუტრიიმ.