უკრაინამ ტყვეების გაცვლის შედეგად, უკრაინის შეიარაღებული ძალების 65 წევრი ქვეყანაში დააბრუნა, მათ შორის არის აშშ-ის ერთი მოქალაქე და ოთხი გარდაცვლილის ცხედარი. ამის შესახებ ვოლოდიმირ ზელენსკის ოფისის ხელმძღვანელმა ანდერი ერმაკმა განაცხადა.

მისი თქმით, ტყვეობიდან გათავისუფლებულები იბრძოდნენ დონეცკისა და ლუგანსკის მიმართულებით, მონაწილეობდნენ ბახმუტის დაცვაში: „ესენი არიან ოფიცრები, რიგითები და სერჟანტები, ჩვენი გმირები. ჩვენ ასევე მოვახერხეთ აშშ-ის მოქალაქის გათავისუფლება, რომელიც ეხმარებოდა ჩვენს ხალხს - მურეკეზი სუედი“ - აღნიშნა ერმაკმა.

რუსეთის ხელისუფლებას პატიმრების ამ გაცვლაზე კომენტარი არ გაუკეთებია.