უკრაინის ჯარებმა ქალაქ სოლედარი დატოვეს. ამის შესახებ უკრაინის შეიარაღებული ძალების წარმომადგენელმა ტელეკომპანია CNN-ს განუცხადა.

„უკრაინის შეიარაღებული ძალები სოლედარიდან გავიდნენ, რათა გადაერჩინათ პერსონალის სიცოცხლე. ჩვენ გამოვიყვანეთ, როგორც დაგეგმილი იყო, ქვედანაყოფები“, - აღნიშნა უკრაინის შეიარაღებული ძალების აღმოსავლეთ დაჯგუფების წარმომადგენელმა, სერგეი ჩერევატიმ.

ჩერევატის თქმით, უკრაინელმა სამხედროებმა დიდი დანაკარგი მიაყენეს მტერს.