უკრაინის პრეზიდენტის ადმინისტრაციის ხელმძღვანელის, ანდრეი ერმაკის ინფორმაციით, დღეს, ტყვეების გაცვლის ფარგლებში, 12 უკრაინელი გათავისუფლდა.

გათავისუფლებულია საზღვაო ძალების 4 მებრძოლი, ეროვნული გვარდიის ორი წევრი, ორი მესაზღვრე, უკრაინის ტერიტორიული თავდაცვის ძალების ერთი წევრი, ასევე სამი მშვიდობიანი მოქალაქე, რომელიც დაკარგულად ითვლებოდა.

„სახლში მიდიან მეომრები, რომლებიც იცავდნენ, მარიუპოლს, ჩერნობილის ატომურ ელექტროსადგურს და კუნძულ „ზმეინს“," - წერს ერმაკი.

მისი თქმით, ბოლო ერთი კვირის განმავლობაში ტყვეობიდან ჯამში, 98 უკრაინელი გათავისუფლდა.