უკრაინამ რუსეთის ლატარიასა და ტოტალიზატორის წინააღმდეგ სანქციები დააწესა - შესაბამის განკარგულებას ხელი პრეზიდენტმა ვოლოდიმირ ზელენსკიმ მოაწერა.

სანქციები გულისხმობს უკრაინაში აქტივების ბლოკირებას, სავაჭრო ოპერაციების შეზღუდვას, ეკონომიკური ვალდებულებების შესრულების შეწყვეტას. ასეთი შეზღუდვები დაწესებულია 50 წლის ვადით.

შეგახსენებთ, რომ ზელენსკიმ სანქციების დაწესებაზე განკარგულებას ხელი გუშინ მოაწერა. სიაში შედის 287 ორგანიზაცია და 120 ფიზიკური პირი. მათ შორის არიან ბიზნესმენები რუსეთიდან, სომხეთიდან, კვიპროსიდან, დიდი ბრიტანეთიდან, პოლონეთიდან, თურქეთიდან და ნიდერლანდებიდან.