კიევმა სამხრეთ უკრაინაში რუსეთის მიერ ოკუპირებული ზაპოროჟიეს ელექტროსადგურის მთავარი ინჟინრის მოადგილე მოსკოვთან სავარაუდო თანამშრომლობის გამო გაათავისუფლა.

დღეს, უკრაინის ბირთვული ენერგიის სახელმწიფო კომპანია Energoatom-მა განაცხადა, რომ მთავარი ინჟინრის მოადგილე თანამდებობიდან გაათავისუფლა. მას მოსკოვის სამხედრო ძალებთან თანამშრომლობასა და ღალატში ედება ბრალი. 
 

აღნიშნულ ფაქტს წინ უძღოდა რუსეთის ბრძანებით, სადავო ელექტროსადგურის დირექტორად ინჟინერ იური ჩერნიჩუკის დანიშვნა.   

ზაპოროჟიეს ატომური ელექტროსადგური ომის დასაწყისიდან რუსეთის მიერ არის ოკუპირებული, მაგრამ მას დღემდე უკრაინელი თანამშრომლები მართავენ.