აქციის მონაწილეებმა საელჩოსთან გაშალეს უკრაინის დროშები, გაჟღერდა უკრაინის ჰიმნი.

აქციის მონაწილეების განცხადებით, იმ ფონზე, როდესაც უკრაინას რუსეთი ემუქრება მნიშვნელოვანია, რომ უკრაინელმა ხალხმა იგრძნოს საქართველოდან მხარდაჭერა და სოლიდარობა. აქციის მონაწილეების თქმით, მათთვის მიუღებელია რუსეთის აგრესიული პოლიტიკა.

ასევე, აქციის მონაწილეები აღნიშნავენ, რომ საქართველოს ხელისუფლებამაც უნდა დააფიქსიროს მკაფიო პოზიცია უკრაინის მხარდასაჭერად და დაგმოს რუსეთის აგრესიული პოლიტიკა.

საელჩოსთან შეკრებილები იყვნენ უკრაინის და ბელორუსის მოქალაქეებიც.