გერმანია და უკრაინა, შესაძლოა, მალე შეთანხმდნენ უსაფრთხოების გარანტიების შესახებ ორმხრივ შეთანხმებაზე, - ამის შესახებ გერმანიის კანცლერმა ოლაფ შოლცმა განაცხადა.

მედიის ცნობით, 24 იანვარს შოლცი  უკრაინის პრეზიდენტ ვოლოდიმირ ზელენსკის ესაუბრა და საუბრის მთავარი თემა უსაფრთხოების სფეროში პარტნიორობის საკითხი იყო.

„ჩემი ვარაუდით, ამას მალე დავასრულებთ. საკითხის ბუნება მოითხოვს, რომ ორივე მხარემ ვისაუბროთ მასზე მაშინ, როცა დოკუმენტს ერთად დავასრულებთ და არა მის დასრულებამდე. მაგრამ მაქვს განცდა, რომ ჩვენ მოლაპარაკებების დასრულების ზღვარზე ვართ“, - აღნიშნა შოლცმა.