„უკრაინა არ ურტყამს რუსეთის ფედერაციის ტერიტორიას“, - ასე ეხმაურება უკრაინის პრეზიდენტის ადმინისტრაციის უფროსის მრჩეველი, მიხაილო პოდოლიაკი რუსეთის თავდაცვის სამინისტროს განცხადებას, სადაც ამტკიცებენ, რომ კრასნოდარისა და ადიღეს ტერიტორიებზე დრონების შეტევა იყო.

„უკრაინა არ ურტყამს რუსეთის ფედერაციის ტერიტორიას. უკრაინა აწარმოებს თავდაცვით ომს მისი ყველა ტერიტორიის დეოკუპაციისთვის. ეს აქსიომაა. რუსეთის ფედერაციაში მატულობს პანიკისა და დაშლის პროცესები, რომლის გამოვლინებაა ინფრასტრუქტურის ობიექტებზე ამოუცნობი მფრინავი ობიექტების შიდა შეტევების ზრდა...“, - წერს პოდოლიაკი.