საქართველოს ექსპრეზიდენტი მიხეილ სააკაშვილი უკრაინაში რუსული ძალების მიერ კახოვსკას ჰიდროელექტროსადგურის კაშხლის აფეთქებას გამოეხმაურა და აღნიშნა, რომ „ეს უკიდურესად პანიკის ნიშანია“.

„რუსებმა ააფეთქეს კახოვკის დამბა ხერსონში. ეს უკიდურესად პანიკის ნიშანია. რაც ნიშნავს რომ მოვლენები ომში ძალიან დაჩქარდება. მთავარია ჩვენ უკრაინელების გამარჯვებამდე არ დავუშვათ რომ საქართველოს საოკუპაციო ხელისუფლებამ ბოლომდე ჩაგვაბაროს რუსეთს.

ჩემთვის ამის მნიშვნელოვანი ნიშანი იქნება გაუშვებენ თუ არა ნიკა გვარამიას. მისი არ გაშვება იქნება კიდევ ერთი კარის გამოჯახუნება და ფართოდ გაღება რუსებისთვის და კადიროვის ყაჩაღებისთვის“, - აცხადებს სააკაშვილი.