გასულ დღეებში, თოვლის სახით მოსულმა უხვმა ნალექმა პრობლემები შექმნა ხაშურის მუნიციპალიტეტში. ჩაკეტილია სოფლების უმეტესობა, დაბა სურამის გარე უბნები, თუმცა, სისტემატურად მიმდინარეობს გაწმენდითი სამუშაოები, მუშაობს ათამდე ერთეული ტექნიკა და ეტაპობრივად, ხორციელდება ყველა დასახლებულ პუნქტამდე მისვლა.

აღსანიშნავია, რომ მუნიციპალიტეტს ტექნიკით, ეხმარებიან კერძო კომპანიებიც და ჩართულები არიან დიდთოვლობის შედეგების სალიკვიდაციო სამუშაოებში, რისთვისაც მუნიციპალიტეტი მადლობას უხდის.

ქუჩებში მიმდინარეობს ტექნიკური მარილის მოყრა.

თოვლის საფარისგან წმენდის სამუშაოებს ა(ა) იპ „ხაშურსერვისი“ ახორციელებს.

მნიშვნელოვანია, რომ მუნიციპალიტეტს ელექტრო ენერგიისა და გაზის მიწოდების თვალსაზრისით, შეფერხება არ აქვს.