თბილისში, ბაგების სტუდქალაქში უბედური შემთხვევა მოხდა. საცხოვრებელი კორპუსის მესამე სართულიდან მცირე წლოვანი გადავარდა. 

არსებული ინფორმაციით, 2 წლის ბავშვი ადგილზევე დაიღუპა. ადგილზე სასწრაფო სამედიცინო დახმარების ბრიგადები მალევე მივიდნენ, თუმცა მისი გადარჩენა ვერ მოხერხდა.

ადგილზე მობილიზებული იყვნენ სამართალდამცველებიც. 

გავრცელებული ცნობით, 2 წლის ბავშვი აივანზე გავიდა და გისოსებში გაძვრა.

„პატარა იყო 2 წლის. აივნიდან გადმოვარდა. აივანი დაცული არ იყო“, - აცხადებენ მეზობლები.

მომხდარზე გამოძიება 116-ე მუხლით დაიწყო, რაც სიცოცხლის მოსპობას გაუფრთხილებლობით გულისხმობს და  ისჯება შინაპატიმრობით ვადით ექვსი თვიდან ორ წლამდე ან თავისუფლების აღკვეთით ვადით ორიდან ოთხ წლამდე.