უნგრეთის ქალაქი დიორი 10 მეტრზე პნევმატური იარაღის სროლაში ევროპის ჩემპიონატს მასპინძლობს. გოგონათა შორის ისტორიული ოქროს მედალი მოიპოვა მარიამ ფროდიაშვილმა.

ქართველმა ტყვიის მსროლელმა ფინალში 242,2 ქულით სლოვენიელი სპორტსმენი დაამარცხა, ევროპის ჩემპიონობა იზეიმა და ამ შედეგით ევროპის ახალგაზრდული რეკორდიც დაამყარა. ბრინჯაოს მედალს უნგრელი ტყვიის მსროლელი დასჯერდა. 

აღსანიშნავია, რომ ეს პირველი შემთხვევაა, როდესაც პირად პირველობაში ახალგაზრდებს შორის ქართველმა სპორტსმენმა პირველი ადგილი დაიკავა. 

მიმდინარე ევროპის ჩემპიონატზე ეს მარიამ ფროდიაშვილის მესამე ოქროს მედალია. მან ჩემპიონობა გოგონათა შორის და შერეულ წყვილებშიც იზეიმა. - წერს საქართველოს კულტურისა და სპორტის სამინისტრო.