„პარტნიორებს თუ არ შეუძლიათ უკრაინისთვის თვითმფრინავებისა და ტანკების გადაცემა, არადა ასეთი შესაძლებლობა მათ აქვთ, არსებობს მაღალი რისკი, რომ რუსული სამხედრო ძალები შექმნიან არა მხოლოდ სარაკეტო საფრთხეს ჩვენი მეზობლებისთვის – მეგობარი პოლონეთისთვის, სლოვაკეთისთვის, უნგრეთისთვის, რუმინეთისთვის და ბალტიის სახელმწიფოებისთვის, არამედ ზოგადად, სამხედრო საფრთხეს; მათ საზღვრებზე, ქალაქებთან და წინ წავლენ“, – განაცხადა ზელენსკიმ.

ზელენსკის თქმით, „თვითმფრინავების გადაცემის საკითხის გაჭიანურების ფასი არის ათასობით უკრაინელის სიცოცხლე, რომელთაც ვკარგავთ უკრაინის მშვიდობიან ქალაქებზე საავიაციო და სარაკეტო დარტყმების შედეგად“.

ზელენსკის თქმით, თვითმფრინავები, ტანკები და შორ მანძილზე მოქმედი ანტისაჰაერო თავდაცვითი სისტემები საშუალებას მისცემს უკრაინას, რეალურად დაიცვას თავისუფლება და გარდატეხა შეიტანოს საბრძოლო მოქმედებებში.