ხორვატიის დედაქალაქ ზაგრებში ევროპის ჩემპიონატის ბოლო საშეჯიბრო დღეს, ტატამზე საქართველოს ნაკრების სახელით ექვსი ძიუდოისტი წარსდგა, მათგან ფინალურ ბლოკში გურამ თუშიშვილს (+100 კილოგრამი), ილია სულამანიძეს (-100 კილოგრამი) და ლაშა ბექაურს (-90 კილოგრამი) ვიხილავთ.

თუშიშვილი და სულამანიძე ტურნირის ფინალში გავიდნენ და ოქროს მედლებისთვის იბრძოლებენ, გურამი ინალ ტასოევის დამარცხებას შეეცდება. ილიას მატვეი კანიკოვსკის დაუპირისპირდება.

სამწუხაროდ, მოქმედი ოლიმპიური ჩემპიონი ლაშა ბექაური მეოთხედფინალში აზერბაიჯანელ ელჯან ჰაჯიევთან დამარცხდა, თუმცა რეპეშაჟში ფრანგი ლორის ტასირი დაამარცხა და ევროპის ჩემპიონატზე ბრინჯაოს მედლის მოგებას შეეცდება.