კატარის დედაქალაქ დოჰაში მიმდინარე ძიუდოს მსოფლიო ჩემპიონატზე, ინდივიდუალური ასპარეზობების ბოლო დღეს მედლების მოსაპოვებლად მძიმეწონოსნები – გურამ თუშიშვილი და სოფიო სომხიშვილი ასპარეზობდნენ.

რამდენიმე წუთის წინ თუშიშვილი იაპონელ საიტოსთან იპონით დამარცხდა და მსოფლიოს გამოეთიშა.

რაც შეეხება სომხიშვილს, მან თურქ საიტთან გამარჯვება ვერ შეძლო. 3 შიდო მიიღო და დამარცხდა.

შესაბამისად, დღეს საქართველო უმედლოდ დარჩა.

შეგახსენებთ, რომ დღემდე საქართველოს ნაკრების ანგარიშზე ორი ოქროს, ერთი ვერცხლისა და ერთი ბრინჯაოს მედალი იყო. მსოფლიო ჩემპიონები ტატო გრიგალაშვილი (81 კგ) და ლუკა მაისურაძე (90 კგ) გახდნენ, ვერცხლის მედალი ლაშა ბექაურმა (90 კგ) მოიპოვა, ხოლო მესამე ადგილი 19 წლის გიორგი სარდალაშვილმა (60 კგ) დაიკავა.