თურქეთში ძლიერი მიწისძვრის შედეგად დაღუპულთა რიცხვმა 3,4 ათას ადამიანს გადააჭარბა, სირიაში 800-ზე მეტია. ამის შესახებ იტყობინება ადგილობრივი ხელისუფლება.

„დაღუპულთა რიცხვი 3419-მდე გაიზარდა, 20 534 დაშავდა“, - განუცხადა ჟურნალისტებს თურქეთის ვიცე-პრეზიდენტმა ფუატ ოქტაიმ. 

მანამდე ვრცელდებოდა ინფორმაცია 3381 დაღუპულისა და 20 436 დაშავებულის შესახებ.

ოქტაის თქმით, ამინდი ხელს უშლის დაზარალებულ რეგიონებში დახმარების მიწოდებას.

„ადგილზე მუშაობს 12 181 კაციანი სამაშველო ჯგუფი“, - დასძინა ვიცე-პრეზიდენტმა.

მანვე აღნიშნა, რომ ამჟამად თურქეთს 14 ქვეყანა ეხმარება.